Një nga reperët më të njohur në mbarë botën, Kanye West, është pritur nga kryeministri Edi Rama.
Këtë e bëri të ditur vetë kryeministri teksa ka shpërndarë një video në rrjete sociale gjatë takimit.
Në pamje shfaqet Rama teksa i tregon këngëtarit të njohur pak nga kultura dhe historia e Shqipërisë.
Artisti amerikan ka mbërritur në Shqipëri për koncertin që do të mbahet këtë të shtunë në mbrëmje në “Eagle Stadium”, në Kashar.
Për të garantuar mbarëvajtjen e aktivitetit, Policia e Tiranës ka vendosur kufizime të përkohshme në qarkullimin e automjeteve në zonën përreth autostradës Tiranë-Durrës.
“Eagle Stadium” është ndërtuar në një sipërfaqe prej rreth 65 mijë metra katrorë.
