Kosova nuk e ka të përcaktuar ende datën për zgjedhje parlamentare.
Por, Partia Demokratike është përcaktuar me prijësin e saj.
Kandidimi me Bedri Hamzën si kryeministër, po shihet si veprim që duhet ndjekur.
“Partia Demokratike ka bërë një veprim të mirë me vendosjen e Bedri Hmazës si figurë për postin e kryeministrit në zgjedhjet e ardhshme. E që mendoj se edhe partitë e tjera politike duhet të ndjekin këtë shembull, që jo domosdoshmërisht duhet të jetë kryetari i partisë kandidat për kryeministër. Por të jenë figura me të kaluar të pastër dhe profesionale”, thotë Fidan Ukaj- analist
Në anën tjetër, kjo shihet edhe si taktikë për mos ta djegur figurën e kreut të PDK-së, Memli Krasniqi, por atë të Hamzës.
“Kjo mund të konsiderohet në një mënyre ose tjetrën edhe një lloj shpëtimi për figurën politike të Memli Krasniqi. Sepse ai është i vetdijshëm, ai ka arsimin politik të mjaftueshëm që të dijë se do të ishte një humbës i llojit të vet. Natyrisht humbës i llojit të vet është edhe Bedri Hamza, por është kartë më e përshtatshme për ta djegur”, shprehet Sadri Ramabaj- analist
Aktualisht, Bedri Hamza udhëheqë komunën e Mitrovicës së Jugut.
