Autor: Jona Kelmendi
Një kanal i hapur, disa metra i thellë, shtrihet përgjatë rrugës kryesore në lagjen “Fidanishte” të Pejës.
U hap për të parandaluar vërshimet nga shirat, por tani po ngre shqetësime të tjera.
Banorët thonë se ai po rrezikon jetën e qytetarëve.
“Normal për fëmijë e për të moshum krejt kjo erë kundërmon na qetu banojmë veq e këtu kish mujt komuna me ndërmarr diçka kjo që se di sa vite është qeshtu. Duhet një mburojë a me mbulu diqka a me pastrua”, shprehet qytetari Sali Krasniqi.
“Mbeturinat, era janë të rrezikshme për qytetarë normal që është e rrezikshme. Është rrezik i madh, shyqyr s’ka ndodh hala diçka po pastaj ni ndodhje edhe ou me na fal qysh me të fal kur po ndodh. Sa vazhdon kështu mbetet mu pa”, thotë Jeton Kastrati.
Siguri për qytetarët po kërkojnë nga opozita në këtë komunë.
“Patjetër që duhet të vendosen mburojat ngase aty s’ka as sinjalistikë për shkak që banorët ka vite që janë mësuar me atë kanal te ecin mbi kanal sepse ka qenë e mbyllur hermetikisht ndërsa nuk e kritikoj hapjen e tij për shkak të vërshimeve, mirëpo e kritikoj se pse nuk është ndërmarr për sigurinë e qytetarëve në atë kanal. Aty është dashur të vendosen pengesa, është dashtë të eliminohet kundërmimi, mirëpo këto janë kompetenca të përziera dhe zakonisht kur ka kështu kompetenca të përziera institucionet ia hudhin fajin njëra tjetrës”, thotë Berat Ganiqi nga LVV.
E në anën tjetër, nga komuna e Pejës thonë se projekti është në fazën përfundimtare.
“Tash jemi në fazën e fundit të projektit dmth që do të bëhet rregullimi i trotuarit në atë pjesë i rrethojave për kanalin dhe poashtu vendosja e pengesave për mosparkimin e veturave pranë atij trotuari dhe atij kanali në këtë procedurë. Kanë fillu procedurat në prokurim për shkak të disa çështjeve teknike në prokurim të disa kompanive që janë anku mes veti dhe landa ka shku në OSHP dhe ende kontrata nuk është nënshkru dhe si pasojë është vanu puna”, thotë Agron Nikqi – drejtor i Shërbimeve Publike.
Nga kjo komunë theksuan se punimet pritet të përfundojnë në fund të këtij viti.
