Kamberi tha se shqiparët e Luginës së Preshevës nuk mund t’i realizojnë të drejtat e tyre përderisa Serbia ka një qasje të tillë.
“Unë nuk besoj se në Serbi, shqiptarët e Luginës së Preshevës mund t’i realizojnë të drejtat e veta, derisa Serbia ka një qasje të këtillë, të mohimit të krimeve, të mohimit të diskriminimit, relativizmit të krimeve të luftës dhe tendencës së vazhdueshme për të vazhduar politikën e Millosheviqit. Tash, jo me formulën siç ishte atëherë gjithë serbët në një shtet, por me formulën bota serbe. Cili është ky koncept?! Koncpeti është gjithkund, aty ku ka serbë, të shtrihet ndikimi i Serbisë dhe nëse duhet të krijohen tensione, nëse duhet të destabilizohet ai vend. A e pamë Malin e Zi çfarë ndodhi, në Maqedoni kishim më herët tentativa për grushtshtet, veriu i Kosovës gjithmonë përdoret për destabilizim të Kosovës, dhe Bosnja është në rrezik permanent të nisjes së një lufte të re, e cila vjen si pasojë e konceptit të botës serbe”, tha Kamberi.
Ai shtoi se nëse zgjidhet sërish deputet, do ta vazhdojë qasjen e njëjtë, për t’i adresuar problemet jetike të shqiptarëve të Luginës së Preshevës. /Teve1.info/
