Kamberi është shprehur se beson se asnjë shqiptar nuk do të pranonte të bëhej ministër në një qeveri e cila e jep betimin “Do ta kthejmë Kosovën Serbi”.
“Sa i përket listës sonë, koalicion i vetëm që mund të mbahet me qeverinë në Beograd është ta respektojë atë që është plani shtatë pikësh, pa ndonjë pretendim tonin për poste ministrash. Asnjëri prej neve, unë personalisht jo, unë ja kam thënë Aleksandar Vuçiq në Parlament që kurrë nuk pranoj së pari të bëhem ministër në qeverinë e një autokrati dhe e dyta nuk mund të bëhet as unë dhe nuk besoj asnjë shqiptar në një qeveri ministër e cila jep betimin do ta kthejmë Kosovën Serbi”, tha Kamberi në “Këndi i Debatit” në Tëvë 1.
Ai shtoi se këto janë disa nga arsyet që e bëjnë gati të pamundur që të jenë pjesë e qeverisë në Beograd.
“Janë ndoshta disa formalizma ndoshta në dukje të parë, por që në esencë orientojnë drejtimin politik kah po shkon ti. Dhe kjo e bën gati të pamundur që të jemi pjesë të qeverisë në Beograd. Por ne kërkojmë që të diskutojmë me ta për këto probleme, që për ne janë jetike, çështja e diplomave, çështja e integrimit, çështja e zhvillimit ekonomik, që shteti e ka obligim, jo se ne po i kërkojmë mëshirë. Me kushtetutën e Serbisë, neni 73, e obligon Serbinë që në komunat multietnike strukturën e të punësuarve në organe shtëtërore, në institucione publike ta rregullojë dhe ta barazojë me strukturën etnike të popullsisë”, potencoi Kamberi. /Teve1.info/
