Për herë të parë pas fillimit të gjykimit, ish kryetari i Kuvendit të Kosovës, Kadri Veseli iu drejtua Gjykatës Speciale.
Në një deklaratë tre miniutëshe, Veseli kërkoi nga trupi gjykues që dikush të merr përgjegjësinë e vendimmarrjes për të dhe të akuzuarit e tjerë.
Po ashtu, Veseli tregoi që ka pritshmëri që i tërë procesi gjyqësor të jetë i drejtë.
“Qe nga dita e parë që kur jemi futur në këtë sallë të trupit gjykues, prokuroria ka kërkuar në mënyrë mjaft transparente 545 orë, prej ditës parë faktikisht secili e kemi ditur se 545 orë me procesin në të cilin do të zhvillonim në këtë sallë gjyqësore do të kalonin edhe tri vjet, përkatësisht katër vjet edhe nuk mund ta përfundon Prokuroria edhe në qoftë se fare asnjë pyetje nuk do të bënte as mbrojtja dhe as ju si trup gjykues. Nuk dua të paragjykoj askënd por ajo cilën dua të them i nderuar trup gjykues është kjo – Besoj se është në interes të publikut dhe jo vetëm tonin si të akuzuar që dikush duhet të merr përgjegjësinë e vendimmarrjes që ky proces para popullit të Kosovës të jetë jo vetëm fer, jo vetëm transparent , jo vetëm të respektoj procedurat, Kushtetutën dhe ligjet e Republikës së Kosovës por edhe të ruaj dhe garantoj një gjykim të drejtë dhe në kohë të arsyeshme”, ka deklaruar ish-kryetari i Kuvendit të Kosovës, Kadri Veseli.
Tutje ai, kërkoi një gjykim në kohë të arsyeshme.
Sipas tij, nëse nuk respektohen këto parime, do i dërgohet një mesazh për popullin e Kosovës.
“I cili e ka krijuar me vetëdije të plotë, e them edhe njëherë me vetëdije të plotë por edhe me besim këtë gjykatë, tek ju si partnerë tanë ndërkombëtar dhe nuk duhet në asnjë mënyrë që t’i cenohet ky besim i cilin e ka shtetin ligjor dhe drejtësinë ndërkombëtare”, është shprehru Veseli.
Në këtë deklarim, ai pati dy fjalë edhe për vete dhe mbrojtjen e tij.
“I nderuar trupi gjyqësor, kemi krijuar një përvojë bukur të gjatë por po e shoh një komunikim i cili nuk po më duket shumë normal, as profesional, reagimet..nuk po paragjykoj mirëpo si i akuzuar kam të drejtë të jap një mesazh. Nuk kisha pasur dëshire që gjërat të cilat janë jashtë realitetit tim të ndikohet dhe të paragjykohet, për arsye se ka një mos-përmbajtje shpesh herë sidomos në adresimet e avokatit tim po flas i nderuari Ben Emmerson, kjo do të ishte e tëra, iu faleminderit shumë për mirëkuptimin”, ka thënë Veseli.
Ndërkohë, në konferencën për ecurinë e çështjes së Thaçit dhe të tjerëve në Hagë, kishte një debat mes avokatit të Veselit, Ben Emmerson dhe kryetarit të trupit gjykues, Charles Smith, pasi ky i fundit i tha se Emmerson është duke e ofenduar dhe fyer Zyrën e Prokurorit të Specializuar. Ky debat erdhi pas diskutimeve për afatin kohor kur parashihet që Prokuroria ta kryejë çështjen.
Përveç Kadri Veselit, me akuza për krime lufte gjatë luftës së fundit në Kosovë nga marsi i vitit 1998 deri në shtator të 1999 po përballen edhe Hashim Thaçi, Jakup Krasniqi dhe Rexhep Selimi.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Fteveliive%2Fvideos%2F326751703626962%2F&show_text=false&width=380&t=0″ width=”380″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
