Edhe një futbollist i talentuar shqiptar pritet t’i bashkohet ekipit të madh nga Zvicra, Baselit.
Bëhet fjalë për mesfushorin Dion Kacuri, i cili është pranë transferimit te Baseli, kanë njoftuar të martën mediumet zvicerane.
19-vjeçari është pjesë e Grasshopperit, ekip me të cilin ka kontratë deri në verën e vitit të ardhshëm. Këtë edicion, Kacuri ka shtatë paraqitje për Grasshopperin në Superligën zvicerane, ndërsa në total, ai ka regjistruar 28 ndeshje në elitë.
Gjithashtu, Kacuri ka luajtur edhe për ekipet U18, U19 dhe U21 te Zvicrës dhe vlerësohet si njëri prej lojtarëve më të talentuar në këtë vend. Te Baseli, Kacuri do të bëhej bashkëlojtar me Taulant Xhakën, Benjamin Kolollin, Leon Avbdullahun e Albian Ajetin.
