Futbollisti i talentuar, Dion Kacuri është transferuar te Baseli të mërkurën. Kacuri 19-vjeçar, me Baselin ka nënshkruar kontratë deri në vitin 2028. Te Baseli, mesfushori u transferua nga Grasshopperi. Këtë edicion i ka shtatë paraqitje në Superligën e Zvicrës.
Gjithsej në Superligë i ka luajtur 28 ndeshje, ndërsa është paraqitur për U18, U19 dhe U21 të Zvicrës.
“Sigurisht jam jashtëzakonisht i lumtur që, si lojtar i ri zviceran, mund të kaloj në një klub aq të madh siç është Baseli. I jam mirënjohës Grasshoperit për gjithçka që ka bërë për mua. Tash e tutje e vetmja gjë që ka rëndësi për mua është Baseli dhe do të bëj gjithçka që mundem që të vazhdoj rrugën time këtu dhe të ndihmoj ekipin në mënyrën më të mirë të mundshme”, ka thënë Kacuri për faqen zyrtare të Baselit.
