Paraqitjet fantastike të mbrojtësit Ardian Ismajli këtë sezon në Serie A të Italisë, kanë bërë që skuadra e Juventusit të futet në garë për shërbimet e tij.
Mediumet italiane kanë raportuar të premten se Juventusi po monitoron situatën e Ismajlit tek Empoli dhe po synon transferimin e tij në afatin kalimtar të janarit.
Mësohet se skautët e Juventusit kanë monitoruar nga afër Ismajlin, duke e përcjell në ndeshjen Lazio – Empoli, si dhe do të jenë të pranishëm sonte në Pragë për ta shikuar në ndeshjen Çeki – Shqipëri.
Ismajli është njëri prej lojtarëve kryesor tek Empoli dhe mund të luaj në dy pozita, atë të qendërmbrojtësit dhe mbrojtësit të krahut të djathtë, gjë që po i konvenon shumë Juventusit.
Tek Juventusi janë në kërkim të një mbrojtësi pas lëndimit të Gleison Bremerit dhe po e shohin Ismajlin si zëvendësim ideal për brazilianin që do të mungoj pothuajse deri në fund të sezonit.
Ismajli 28-vjeçar këtë sezon ka 7 paraqitje në kampionatin Italian, ndërsa me Empolin ka kontratë deri në verën e vitit 2025.
Ai karrierë në Itali ka bërë edhe te Spezia para se t’i bashkohet Empolit në vitin 2021 kurse kartoni i tij vlerësohet rreth 5 milionë euro.
