Skuadra e Juventusit ka marrë vendim për të ardhmen e sulmuesit të krahut, Francisco Conceicao dhe mbrojtësit Pierre Kalulu, njoftojnë mediumet italiane të martën.
Bëhet e ditur se Juventusi ka marrë vendim për t’i blerë kartonët e dy futbollistëve, të cilët i ka huazuar para fillimit të sezonit nga Porto, përkatësisht Milani.
Si Conceicao ashtu edhe Kalulu kanë dëshmuar veten brenda pak muajve me fanellën e Juventusit, ekip që tashmë ka njoftuar Porton dhe Milanin se do ta shfrytëzoj opsionin e blerjes së tyre.
Për blerjen e plotë të portugezit Conceicao Juventusi do të paguaj 30 milionë euro kurse 18 të tjera do t’i shpenzoj për kartonin e francezit Kalulu.
Të dy futbollistët do të firmosin kontrata afatgjate me Juventusin dhe blerjen e tyre ekipi italian do ta bëjë zyrtare në fund të sezonit aktual.
Conceicao deri më tani ka shënuar 2 gola dhe ka bërë 1 asistim për Juventusin në 4 paraqitje në të gjitha garat, ndërsa ka regjistruar 8 ndeshje me fanellën bardhezi.
