Skuadra e Juventusit është në negociata me Manchester Unitedin për mesfushorin ofensiv Jadon Sancho, ka njoftuar të martën “Sky Sports”.
Mësohet se Juventusi ka shprehur interesim për Sanchon, pasi anglezi nuk bën pjesë në planet e Unitedit. Sancho do të largohet në afatin kalimtar të janarit, pasi klubi anglez tashmë e ka nxjerrë në shitje pas përplasjes që ka pasur me trajnerin Erik ten Hag.
Thuhet se Juventusi po e kërkon huazimin e Sanchos për gjashtë muaj, me opsionin e blerjes së tij në verë dhe marrëveshja mes klubeve mund të arrihet brenda këtij muaji. 23-vjeçari në vitin 2021 iu bashkua Unitedit, ndërsa këtë edicion ka vetëm 3 paraqitje në Premier League.
Sancho ka kontratë me ekipin anglez deri në vitin 2026, ndërsa situatën e tij po e monitorojnë edhe klube të tjera.
