Sulmuesi i PSG-së, Neymar aventurën e re pritet ta ketë në Serie A ose Premierligë, sipas AS.
Sipas burimit, kryesia e klubit torinez tashmë ka hyrë në negociata me përfaqësuesit e futbollistit brazilian. Megjithatë, Juventusi është në siklet nga kërkesat e larta të pagës së sulmuesit.
Por “Zonja e Vjetër” në konkurrencë ka Chelsea, skuadër kjo që ka shfaqur interes për Neymar.
Marrëveshja aktuale e 30-vjeçarit brazilian me klubin parizian është deri në verën e vitit 2025. Portali Transfermarkt e vlerëson sulmuesin në 75 milionë euro.
Neymar bëri 28 paraqitje për PSG-në sezonin e kaluar, duke shënuar 13 gola dhe duke dhënë tetë asistime.
