Sulmuesi Gabriel Jesus po kalon formë të lartë në fillim të këtij sezoni, pasi ndërroi ambient duke kaluar nga Manchester City tek Arsenal dhe pas 8 javëve Gunners janë në pozitën e parë të Premier Ligës angleze.
Braziliani ka folur për stilin e tij të lojës dhe përfshirjen e tij në ndërtimin e aksioneve, duke thënë se ai nuk është Granit Xhaka apo Kevin De Bruyne, pavarësisht dëshirës për të ndihmuar skuadrën.
“Unë dëshiroj të shënoj, kështu që më duhet të mbërrij në zonë dhe nuk mund të shkoj shumë thellë në fushë, por kur e bëj un mund të krijoj për futbollistët e tjerë. Un nuk jam Granit Xhaka, nuk jam Kevin De Bruyne, por mund të përfshihem dhe të ndihmoj skuadrën”, potencoi Jesus.
Ai poashtu foli edhe për trajnerët, duke thënë se vendimi i takon atyre.
“Diferenca ndonjëherë është edhe tek trajnerët. Tek City ndonjëherë nuk isha pjesë e formacionit dhe ulesha në stol, por të luaj më shpesh ndjehem më i lirë. Ti duhesh të bësh cfarë menagjerët duan, por ndihesh më i lirë”, shtoi sulmuesi.
Jesus këtë sezon në Premier Ligë ka shënuar 5 gola dhe ka dhënë 3 asistime në 8 ndeshjet e para, teksa këtë vikend skuadra e tij ka përpara vetës një test të vështirë, pasi pret në shtëpi Liverpoolin të dielën me fillim nga ora 17:30.
