Trajneri nga Kroacia, Jeronimo Sharin do të punojë sërish në basketbollin e Kosovës.
Sharin në sezonin 2026/27, do të jetë pjesë e Sigal Prishtinës, pasi të hënën është prezantuar te skuadra nga kryeqyteti.
Sigal Prishtina sezonin e fundit pati telashe financiare dhe ndërtimin e ekipit për sezonin e ri, e ka nisur pikërisht nga trajneri Sharin.
Në fakt, Sharin rikthehet në krye të Sigal Prishtinës pas një dekade pasi në sezonin 2016/17 udhëhoqi skuadrën drejt titullit të kampionit dhe Kupës së Kosovës.
Në të vërtetë, Sharin e njeh shumë mirë basketbollin kosovar pasi gjithashtu ka drejtuar edhe skuadrat si Bashkimi, Peja, Vëllaznimi e Golden Eagle Ylli.
Sezonin e shkuar udhëhoqi Golden Eagle Yllin dhe Vëllaznimin, ekip me të cilin triumfoi në Ligën Unike në sezonin 2024/25.
