Klubi Basketbollistik Bashkimi ka prezantuar përforcimin e dytë të huaj për sezonin 2025/26, amerikanin Jeremiah Bailey.
Bailey është 26-vjeçar (201 cm), i cili vjen pas një eksperience në basketbollin evropian. Ai ka luajtur në: Caledonia Gladiators (BBL – Britani), ku fitoi BBL Trophy dhe u përfshi në All-British BBL Second Team (2023).
Ovarense Gavex dhe Sporting Clube de Portugal në Ligën Portugeze. Bailey vjen nga klubi i njohur portuges SPORTING CP-Portugali ku sezonin e fundit ishte titullar dhe pjesë e garës evropiane FIBA Europe Cup me Sportingun, duke shënuar 13.1 pikë dhe 6.7 kërcime për ndeshje në ligë.
“Bailey sjell intensitet, përvojë dhe një energji të madhe në parket, dhe është gati të japë kontributin e tij maksimal në fanellën portokalli e zezë”, ka shkruar Bashkimi në Facebook.
