Kryeministri spanjoll Pedro Sánchez e ka quajtur dhënien fund të urisë në Gaza një “imperativ moral, politik dhe humanitar”.
“Qeveria po përgatit tashmë një dërgesë me ushqime për Rripin e Gazës”, tha Sánchez. “Por e vetmja zgjidhje e vërtetë është që Netanyahu të bjerë dakord për një armëpushim, të hapë një korridor humanitar tokësor dhe t’i japë fund kësaj barbarie”.
Ushtria spanjolle planifikon të hedhë nga ajri 12 ton ushqime në Gaza këtë javë, duke iu bashkuar përpjekjeve të vendeve arabe si Jordania dhe Emiratet e Bashkuara Arabe, ka raportuar agjencia e lajmeve Al Jazeera.
Megjithatë, hedhje të tilla nga ajri janë kritikuar për mungesën e përmbushjes së nevojave të mëdha të palestinezëve pas 21 muajsh lufte dhe bllokade.
