Pas Milot Rashicës, edhe mesfushori Muharrem Jashari mund ti mungojë Kombëtraes së Kosovës për ndeshjet e shtatorit.
Rashica nuk është ftuar fare nga Franco Foda, ndërsa Jashari është në listën e selektorit të Kosovës.
Edhe pse nuk ka ndonjë informatë shtesë në lidhje me Jasharin, mesfushori në dy ndeshjet e fundit nuk është aktivizuar fare për ekipin e tij, LNZ Cherkasy nga Ukraina.
Kosova, të hënën nis grumbullimin për ndeshjet e shtatorit, të cilat i luan në kuadër të kualifikimeve për Botërorin 2026.
Më 5 shtator, Kosova luan në Basel kundër Zvicrës, ndërsa më 8 shtator e pret Suedinë në Prishtinë.
