Ylli i javës, për xhiron e fundit të elitës së futbollit të Kosovës për edicionin 2023-2024 është shpallur Senad Jaroviç.
Futbollisti i Gjilanit, shkëlqeu në xhiron e 36-të, realizoi 2 gola dhe një asistim në duelin ndaj Dukagjinit, dhe i siguroi skuadrës kuq e bardh vendin e 6-të dhe ikjen nga barazhi.
Vlerësimi i më të mirit të javës është bërë nga Komisioni i veteranëve të futbollit në përbërje: Synaj Keqi, Naim Kodraliu, Blerim Haxholli.
Pasi mori këtë çmim, Jaroviq u shpreh i lumtur që u vlerësua sërish si më i miri i javës dhe që skuadra e tij e arriti objektivin e këtij edicioni, dhe pati një falënderim special për klubin dhe tifozët.
“Jam i lumtur që ia arritëm objektivit për t’i ikur barazhit. Falënderoj tërë ekipin, kryesinë dhe shtabin teknik në krye me Gentijan Mezanin. Kam kaluar një kohë fenomenale në Gjilan dhe dua t’i falënderoj tifozët të cilët më kanë pranuar me ngrohtësi. Për mua ishte nder të isha pjesë e Gjilanit”
Për Jaroviqin, kjo ishte hera e parë që dekorohet me çmimin Ylli i javës.
