Kryetari i Sindikatës së Minatorëve, Ibrahim Januzi, ka folur për vështirësitë me të cilat përballen minatorët gjatë daljes nga thellësia e minierës, duke theksuar veçanërisht rastet kur duhet të përdoren shkallët emergjente.
“Të dalësh nga 800 metra thellësi nëpër shkallë vertikale emergjente, vetëm ata që e kanë provuar e dinë se sa e vështirë është. 800 metra nën tokë, dalje përmes shkallëve vertikale – një sfidë që vetëm ata që e kanë përjetuar e dinë”, ka deklaruar Januzi.
Ai ka thënë se çështja, sipas tij, lidhet drejtpërdrejt me dikasterin përgjegjës, duke kërkuar sqarime lidhur me masat e ndërmarra për problemet e raportuara në ndërmarrje.
“Kjo bie direkt në dikasterin përgjegjës, në këtë rast në dikasterin e Ekonomisë. Duhet bërë pyetje se cilat janë hapat që i kanë marrë, sepse ata janë të njoftuar direkt për problematikat që po ndodhin në ndërmarrje”, u shpreh Januzi.
Ndryshe, një incident i mbrëmshëm ka ndodhur në Ndërmarrjen “Trepça”, ku 63 minatorë mbetën të bllokuar në thellësi të minierës pas një avarie në sistemin e furnizimit me energji elektrike/teve1.info/
