Adnan Januzaj pritet të jetë përforcimi më i ri i Anderlechtit, pasi ka marrëveshje në parim me ekipin belg duke refuzuar ofertat nga Meksika dhe Arabia Saudite.
Mësohet se Januzaj pritet së shpejti të prezantohet tek Anderlechti pasi brenda javës pritet ta shkëpusë kontratën me skuadrën e Sevillas që i skadon vitin tjetër.
Januzaj tek Anderlechti do të transferohet si lojtar i lirë, ndërsa trajneri do ta ketë Besnik Hasin.
30-vjeçari nuk bën pjesë në planet e Sevillas, ekip që i ka ofruar shkëputjen e kontratës para kohe duke pasur parasysh pagën e lartë të Januzajt.
Januzaj në vitin 2022 iu bashkua Sevillas si lojtar i lirë, ndërsa u huazua dy herë, në Turqi te Basaksehiri dhe Spanjë tek Las Palmasi.
