Ish-presidentja e Kosovës, Atifete Jahjaga, ka kërkuar që të gjitha marrëveshjet me Serbinë duhet të jenë në përputhje me Kushtetutën e Kosovës dhe me njohjes reciproke.
Këto ajo i ka thënë në një takim me Gabriel Escobar, Zëvendësndihmësin e Sekretarit të Shtetit dhe të dërguarin e posaçëm për Ballkanin Perëndimor, gjatë një takimi që ka zhvilluar.
Jahjaga ka thënë se Escobar e ka njoftuar në hollësi për zhvillimet në dialog, duke theksuar përkrahjen e ShBA-së për Kosovën.
“E falënderova për përkrahjen e vazhdueshme të SHBA-ve, roli i së cilave është qenësor në të gjitha proceset e rëndësishme për vendin dhe rajonin tonë. Njëherit ritheksova domosdoshmërinë, që për hir të qëndrueshmërisë, të gjitha solucionet në dialog duhet të jenë në përputhje me Kushtetutën dhe ligjet e Kosovës dhe me njohje reciproke”, ka shkruar Jahjaga./teve1.info/
