“Italia do të jetë në anën e Maqedonisë, do ta mbështes gjithnjë Maqedoninë në rrugën e reformave dhe besojmë se ky proces do të jetë më i shkurtër.Biseduam edhe për partneritetin e vërtetë ekonomik. Biseduam për problemet energjetike, dhe se Evropa duhet të bëj përpjekje që të jetë e pavarur nga gazi rus”, deklaroi, Mattarella.
Në anën tjetër presidenti i RMV-së, Stevo Pendarovski deklaroi se kanë biseduar për gjendjen aktuale në Ballkanin Perëndimor, krizën energjetike dhe integrimin e vendit në BE.
“Një nga temat për të cilat biseduam ishte edhe procesi i integrimit të vendit tonë në Bashkimin Evropian. Publikisht falënderoj Italinë për mbështetjen në këtë rrugë. Si aleatë në NATO këmbyem mendime për luftën në Ukrainë dhe ri-afirmuam thirrjen për ndërprerjen e këtij konflikti. Kërkova mbështetjen e presidentit Mattarella për krizën energjetike”, tha Pendarovski.