Isufi ka pyetur se çfarë dallon kjo deklaratë nga ato të presidentit serb, Aleksandar Vuçiq dhe kryetarit të Listës Serbe, Goran Rakiq.
“Sepse vetë deklarata e sotme e Rashiqit, çka dallon prej asaj të Rakiqit ose të Vuçiqit, kur është fjala për rastin që ndodhi plagosja e dy serbëve. Që nëna e njërit prej tyre del e thotë publikisht që gjuajtur ka qenë në ajër, pastaj ka qenë në asfalt, nuk është gjuajtur drejt tyre, ka dashtë të vetmbrohet dhe të njëjtën kohë, sot ministri Rashiq thotë që unë i sigurt jam që ai ka gjuajtur që t’i vras. Çka dallon tash kjo deklaratë prej deklaratave të atyre tjerëve që gjoja ky është ma lojal se ata”, deklaroi ai në “Respublika” në Tëvë 1.
Tutje ai theksoi se konsideron që është politikë e gabuar nëse nuk shikohet që serbët të integrohen e të mos lejohet që Serbia të investojë në veri e pastaj Kosova të ankohet.
Ministri për Komunitete dhe Kthim në Qeverinë e Kosovës, Nenad Rashiq ka thënë se nuk ka asnjë dyshim se gjuajtja me armë zjarri ndaj 21-vjeçarit dhe 11-vjeçarit në Shtërpcë kishte qëllim vrasjen e tyre. Ai e ka konsideruar arrestimin e të dyshuarit për plagosjen e dy të rinjve serbë si “sukses të vitit të Policisë së Kosovës”. /Teve1.info/
