“Nëse ka një fushë që nuk ka progres është çështja e Kartonit të Gjelbër”
Kështu deklaron guvernatori i BQK-së Ahmet Ismaili.
Ismajli ka folur për aspektin ekonomik gjegjësisht sektorit të transportit nga mos-zgjidhja e kësaj çështje.
Në mungesë të kartonit të Gjelbër, shumica e bizneseve në Kosovë për transport zgjedhin kompani të huaja.
“Nëse ka një fushë që nuk ka progres, është kjo. Unë ju siguroj se aktivitetet tona sa i përket sensibilizimit dhe ndërkombëtarizimit kanë vazhduar me secilin përfaqësues diplomatik që është në Kosovë. Kemi dërguar një sërë dokumentesh sa i përket arsyetimit, qëndrueshmërisë, nevojës, se si kjo çështje nuk është çështje politike, por është e lëvizjes së lirë dhe mallrave. Tani imagjinojeni, ne kemi lëvizje të lirë me BE-në pa viza, por mundemi fizikisht me lëvizë me automjet nuk mundesh se nuk ki karton të Gjelbër. Plus që është penguar jashtëzakonisht shumë ekonomia në kuptimin e rrjedhës së qarkullimit të mallrave. Sektori i transportit në Kosovë është prej sektorëve të vetme të shërbimeve që është në deficit. Sepse shumica e bizneseve në Kosovë për transport zgjedhin kompani jashtë Kosovës”, thotë guvernatori i BQK-së.
Ismajli e pranon se Kosova I ka bërë dëm vetes nga qasja e moszgjidhjes së çështjes së Kartonit të Gjelbër.
Ai thotë se ende nuk ka asgjë konkrete për të treguar në këtë aspekt se çfarë është arritur.
“Ne, kemi bërë dëm, jo ne, por kjo qasja për mos me u bë pjesë e Kartonit të Gjelbër I ka bërë dëm ekonomisë dhe vazhdon të mbahen sektorë të pazhvilluar, e të paraqesë problem. BSK-ja është autoritet kompetent sipas Ligjit për të qenë anëtar nesër në Këshillin e Byrove, mirëpo një aktivitet I ngjeshur diplomatik e ekonomik është duke ndodhur dhe duhet të ndodh, për fat të keq ende s’kemi diçka konkrete me ju tregu se çfarë është arritur”, thotë Ismaili.
Në një intervistë TËVË1, ish deputeti i Lëvizjes Vetëvendosje Faton Topalli kishte deklaruar se Kosova I ka përmbushur kushtet për zgjidhjen e çështjes së Kartonit të Gjelbër, por meqë fitimi I kompanive të sigurimeve ishte I madh, ka munguar vullneti për ta zgjidhur këtë çështje.
“Na është thënë se s’kemi ligj, e kemi bërë ligjin, është thënë se duhet me e kriju një shoqatë të sigurimeve dhe është krijuar shoqata dhe se duhet me pasë një fond. Kanë qenë transparente kushtet, këto kushte janë plotësuar, por kur janë plotësuar kushtet, është pa që fitimi është shumë I madh dhe ka munguar vullneti për ta rregulluar”, ka thënë Topalli.
Gjatë prezantimit të raportit vjetor për vitin 2024, Guvernatori Ahmet Ismajli shpalosi shifrat e rritjes së vlerës së aseteve të sigurimeve dhe ekuitetit të tyre.
