Kandidati për kryetar të Prishtinës nga radhët e PDK-së, Uran Ismaili, ka nisur javën me një videomesazh falënderues drejtuar vullnetarëve, kandidatëve, aktivistëve dhe qytetarëve të kryeqytetit.
Përmes videos së postuar në Facebook, Ismaili ka thënë se ndryshimi është duke ardhur.
“Mirëmëngjesi Prishtinë! Po e filloj ditën sot me një falënderim prej zemrës – për krejt vullnetarët, kandidatët dhe aktivistët tanë për angazhimin e madh, për ekipin tim të mrekullueshëm të fushatës, dhe për të gjithë ju qytetarë të dashur të Prishtinës që po na jepni kaq shumë mbështetje kudo që po vijmë. Faleminderit, shihemi në lagjet e juaja! Ndryshimi po vjen!”, u shpreh Ismaili.
