Mirëpo, vetura e Policisë së Kosovës që ishte duke shkuar në një intervenim, u aksidentua në rrugën “Xhevë Lladrovci” në Prishtinë.
Vetura e cila ishte me drita rotative e alarm ndezur u godit me një veturë të një kompanie taksi.
Sipas Policisë, nga aksidenti kanë pësuar lëndime trupore katër persona, të cilët kanë marrë tretman mjekësor.
“Rreth orës 00:00 kemi pranuar informatën për një aksident trafiku me lëndime në rrugën ‘Xhevë Lladrovci’ në Prishtinë. Në aksident janë përfshirë dy vetura, si pasojë lëndime kanë pësuar katër persona, të cilët kanë pranuar tretman mjekësor. Me rastin po merret trafiku i kryeqytetit.”
Zyrtarët policorë morën trajtim mjekësor në Klinikën Emergjente në Qendrën Klinike Universitare të Kosovës.
Në një komunikim me menaxhmentin e kësaj klinike, u bë e ditur se të njëjtit nuk kanë pasur lëndime të rënda.
Andaj, janë liruar për në shtëpi për trajtim të mëtutjeshëm mjekësor.
Ndërkaq, Tëvë1 ka kontaktuar edhe me kompaninë e taksive makina e së cilës ishte përfshirë në këtë aksident.
Mirëpo përkundër që fillimisht kanë pranuar të flasin, më pas nuk kanë kthyer përgjigje për rastin.
Ndërkohë, në 24 orët e fundit janë regjistruar 52 aksidente në gjithë vendim, 19 prej tyre me lëndime trupore.
