Ish-ushtari i UÇK-së, Elmi Sopi ka thënë luftën çlirimtare kundër Serbisë e filluan me armë të cilat i bën vet.
Ai ka thënë se pavarësisht se kundër Serbisë ishin të pabarabartë me municion, morali i ushtarëve të UÇK-së ishte shumë i lartë, gjë të cilen nuk e kishin ushtria serbe.
“Ne kemi filluar luftën me armë të maruara vet. Ato armë janë djegur në shtëpinë time në Llapushnik, sepse është dashur të ruhen në muze, për t’i treguar gjeneratave të reja për luftën çlirimtare. Edhe pse kemi qenë të pabarabartë me armatim, morali i ushtarëve të UÇK-së ka qenë shumë i lartë”, ka thënë ai në emisioni “Herët” në Tëvë1.
Sopi ka thënë se problem gjatë luftës së tyre ka qenë popullata civile e cila ishte në zonat ku kontrolloheshin nga forcat serbe, e që ata i penalizonte në sulm ndaj tyre, për shkak të hakmarrjes që bënin forcat serbe ndaj popullatës civile.
“Në shumë raste nuk kemi pasur guximin t’i vrasim serbët, sepse po të ishte vetëm ushtarë me ushtarë, NATO s’ka pasur nevojë të intervenojë, po çfarë me ba që për një ushtar i vrisnin 10 civilë”, ka thënë ai.
Sopi ka rrëfyer se si gruaja e tij kishte pësuar atak në zemër dhe kishte vdekur, pasi i kishte shkuar lajmi se askush nuk kishte shpëtuar nga beteja në Grykën e Llapushnikut, ku edhe ky ishte pjesëmarrës.
Ai ka treguar se gjatë luftës ka humbur edhe vëllain që ka qenë pjesë e UÇK-së, i cili ishte vrarë në burgun e Dubravës, pasi ishte zënë bashkë me disa ushtarë tjerë në Baicë të Drenasit./teve1.info/
