Dhuratat janë bërë gati.
E në to, është shënuar edhe emri i disa veteranëve të luftës së fundit në Kosovë.
Por, asnjë nga të ftuarit, nuk e di se uniforma e veteranit të UÇK-së, është përgatitur dhuratë për ta.
Në ora 18:00, mysafirët fillojnë të vinë.
Mes tyre komandantë të zonave.
E nuk mungojnë as ish-ushtarët e familjarët e viktimave të luftës.
Është ky takimi i parë i këtij lloji, mes veteranëve të brigadave të ndryshme, që u organizua mbrëmjen e së dielës.
Krejt kjo, falë punës se Fondacionit “Cronopios” dhe fondacionit të Veteranëve “Don’t Forget”
Para ish-ushtarakëve, doli edhe një herë Komandant Shkupi.
Ferid Berisha, befasoi veteranët.
Në këtë formë, uniformës ish-ushtarët e UÇK-së, iu kthyen edhe një herë.
“Për mua kjo nuk është vetëm një uniformë, sepse kjo tregon një sakrificë, një rrugë të gjatë që kemi arritur deri këtu”, ka thënë Beqa.
“Unë e dua këtë uniformë, dhe çdo ushtarë që ka qenë ushtar i UÇK e do uniformën e veteranit”, ka thënë Deliu.
“Jam shumë e emocionuar që e kam pranuar këtë uniformë me këtë emblemë, që krenaria për të ka me më përcjell gjatë gjithë jetës”, u shpreh Baraliu.
E takimet e tilla, po mirëpritën nga ish-komandantët e zonave.
“Mënyra më e qëlluar për t’u tubuar, veteranët, bashkëluftëtarët, shokët e njëmendtë të luftës, për të drekuar bashkë e për tu rinjohur me shumë prej tyre”, ka theksuar Mustafa.
“Kjo ishte një ngjarje e jashtëzakonshme,e për herë të parë që dikush na fton në këso darkash apo takimesh. 1:07 Mendoj që ky takim të jetë tradicionale”, ka thënë Gashi.
E organizatorët tregojnë se si erdhi ideja për bashkimin e veteranëve.
“Më së pari ka qenë propozimi i Drin Ahmetit, një afarist shumë i ri, por i suksesshëm në Amerikë, ai e ka shpreh si dëshirë më i dhurua 15 uniformë, dhe gjatë bisedës më të, më tha a ka mundësi më u bashkua ushtarët e veteranët të të gjitha partive, i thashë po patjetër, ushtarët janë të bashkuar dhe nuk njohin parti”, u shpreh Berisha.
Ndryshe, uniforma e veteranëve të UÇK-së është zyrtarizuar me 4 korrik të këtij viti.
