Agim Zeka ka ndërprerë kontratën me Real Murcian në Spanjë. Sulmuesi 27-vjeçar u afrua me bujë në verë te klubi spanjoll, por asgjë nuk shkoi siç pritej.
Zeka luajti vetëm një ndeshje në kategorinë e tretë dhe një në Kupën e Mbretit. Më pas te të tjerat u kushtëzua edhe nga dëmtimi i rëndë që pësoi në fillimin e sezonit.
Zeka kujtohet edhe për ftesën nga Sylvinho te Kombëtarja, pikërisht në vitin 2024. Asokohe megjithatë nuk provoi as ndjesinë e stolit, pasi përfundoi në tribunë.
Te Partizani u largua papritur në fillimin e muajit korrik, pasi kishte kryer fazën përgatitore me pjesën tjetër të skuadrës. Mbetet për t’u parë cila do të jetë eksperienca e re për sulmuesin e krahut të djathtë.
