Madje Canaj ka thënë se është kureshtar të dijë se kush e takon sot ambasadorin Berishaj siç tha ai, pas gjithë këtyre skandaleve.
“Jam shumë kureshtar ta di se kush e takon sot Martin Berishajn. Jam shumë kureshtar ta di sa takime të rëndësishme është në gjendje sot me aferat e tij t’i organizojë Martin Berishaj. Por nuk është vetëm Martin Berishaj… Nuk e di a ka më skandale, por tash po flas nëse Martin Berishaj e ka skandalin të tjerët sa e kanë kompetencën”, tha ai.
I ftuar në emisionin “Ditari” në Tëvë1, Canaj tha se po të kishte qenë ndonjë ambasador tjetër në Qeverinë Kurti në vend të Martin Berishajt deri tash do të ishte shkarkuar, e kjo sipas tij, ka të bëjë me dyshimet e lidhjes së Berishajt me kryeministrin Kurti.
“Po të kishte qenë një ambasador tjetër a thu do të ishte shkarkuar deri tash në Qeverinë Kurti, po të kish qenë një ambasador i karrierës, psh i cili nuk e ka vendosë Kurti a do të ishte shkarkuar deri tash. Po iu garantojë jo që e kishin shkarku por edhe e kishin bërë blozh, pse Martin Berishaj ‘spo shkarkohet. Le të vazhdojnë le t’i besojnë mirëpo shtetit po i hiqen njohjet, e këta le të vazhdojnë t’i besojnë Berishës, e pse i besojnë atë se di nuk dua të spekuloj”, tha ai.
Ndryshe ministrja e Punëve të Jashtme dhe Diasporës, Donika Gërvalla – Schwarz ka thënë se nuk mund ta shkarkojë një ambasador nga spekulimet e mediave, pasi ende nuk ka marrë konfirmim zyrtar nga shtetet ku ai dyshohet për përfshirje në skandal financiar se është duke u hetuar.
Kurse Lidhja Demokratike e Kosovës kanë kërkuar që bashkë me rrjedhjen e parave të Martin Berishajt, të hetohen edhe Presidentja e Kosovës Vjosa Osmani, Kryeministri Albin Kurti dhe ministrja Donika Gërvalla-Schwarz./Teve1.info./
