Përmes një postimi në Twitter, ai thekson se ndërmjetësuesit të Bashkimit Evropian për dialogun, Miroslav Lajakut i duhet mbështetje urgjente.
Këto deklarata ai i ka bërë pas takimit të kryeministrit të Kosovës, Albin Kurti me presidentin serb, Aleksandar Vuçiq të ndërmjetësuar nga Lajçak dje në Berlin.
“Faleminderit @Bundeskanzler për ringjalljen e përpjekjeve për të kapërcyer ndarjen midis Beogradit dhe Prishtinës. Kanë kaluar 14 vjet nga shpallja e Pavarësisë së Kosovës dhe normalizimi i marrëdhënieve dypalëshe është i vonuar! Miroslav Lajçak ka nevojë për mbështetje urgjente! @albinkurti”, shkruan Ischinger.
Ndryshe të mërkurën Kurti ka zhvilluar takim me Vuçiqin në një darkë joformale në Berlin.
Kjo darkë pasoi takimet e ndara të tyre me kancelarin gjerman Olaf Scholz në të cilat u diskutua bashkërendimi i reagimeve të mëtejshme ndaj agresionit rus në Ukrainë si dhe bashkëpunimin rajonal.
Kancelari Scholz kishte ftuar në Berlin të dërguarin e BE-së për bisedimet Kosovë – Serbi, Miroslav Lajçak. Takimit i ishte bashkuar edhe i dërguari i Gjermanisë për Ballkanin Perëndimor, Manuel Sarrazin.
Scholz tha pas takimit me kryeministrin e Kosovës Albin Kurti, se një marrëveshje për normalizimin e marrëdhënieve Kosovë – Serbi do të hapte rrugën për integrimin e të dyja vendeve në Bashkimin Evropian./teve1.info/
