Përzgjedhësi i Irlandës së Veriut, Ian Baraclough ka publikuar listën për ndeshjet e Ligës së Kombeve, që do të luhen në fillim të muajit të ardhshëm. Federata e Futbollit e Irlandës së Veriut ka njoftuar të hënën se në këtë listë janë përfshirë 26 futbollistë, ndërsa me disa prej tyre do ta nisë këtë javë një kamp stërvitor për të monitoruar gjendjen fizike. Në qershor, Irlanda e Veriut do t’i luajë katër ndeshje në kuadër të Ligës së Kombeve.
Ndeshjen e parë në edicionin e tretë të Ligës së Kombeve në kuadër të Grupit të dytë të Ligës C, Irlanda e Veriut e luan në shtëpi ndaj Greqisë më 2 qershor.
Më 5 qershor do të luajë në udhëtim te Qipro, përpara se të përballet me Kosovën në stadiumin “Fadil Vokrri” në Prishtinë më 9 qershor. Duelin e fundit të qershorit, Irlanda e Veriut e luan më 12 qershor kur e pret Përfaqësuesen e Qipros.
Futbollistët e përfshirë në listë të përzgjedhësit Baraclough janë: portierë – Luke Southwood (Reading), Dermot Mee (Manchester United), Josh Clarke (Glenavon); mbrojtës – Ciaron Brown (Oxford), Michael Forbes (West Ham), Paddy Lane (Fleetwood), Shea Charles (Man. City), Sam McClelland (Chelsea), Brodie Spencer (Huddersfield), Sean Stewart (Norwich), Kofi Balmer (Larne), Ruairi McConville (Brighton); mesfushorë – Alistair McCann (Preston), Alfie McCalmont (Morecambe), Oisin Smyth (Oxford), Caolan Boyd-Munce (Middlesbrough), Terry Devlin (Dungannon), Barry Baggley (Fleetwood Town), Charlie Allen (Leeds), Darren Robinson (Derby County); sulmues – Conor Washington (Charlton), Shayne Lavery (Blackpool), Gavin Whyte (Oxford), Dion Charles (Bolton), Paul Smyth (Leyton), Conor McMenamin (Glentoran).
