Negociatorët iranianë do të ndalojnë shkëmbimin e mesazheve me SHBA-në përmes ndërmjetësve dhe Teherani do të ndërmarrë hapa për të mbyllur plotësisht Ngushticën e Hormuzit , në shenjë hakmarrjeje për shkeljet e vazhdueshme të armëpushimit , tha të hënën agjencia shtetërore e lajmeve e Iranit, Tasnim.
“Asnjë dialog nuk do të zhvillohet” derisa Izraeli të tërhiqet plotësisht nga zonat e pushtuara në Liban dhe të ndalojë të gjitha sulmet si në Liban ashtu edhe në Gaza, sipas Tasnim.
“Gjithashtu, fronti i rezistencës dhe Irani kanë vendosur të bllokojnë plotësisht Ngushticën e Hormuzit dhe të aktivizojnë fronte të tjera, përfshirë Ngushticën Bab al-Mandeb, me qëllim ndëshkimin e sionistëve dhe mbështetësve të tyre”, thuhet në raport.
Çmimet e naftës u rritën me më shumë se 5% pas raportit të Tasnim, i cili sinjalizoi një ndërprerje të përpjekjeve për të arritur një fund diplomatik të luftës që tani është në muajin e saj të katërt, shkruan CNBC.
Presidenti amerikan, Donald Trump vetëm tre ditë më parë tha se do të vendoste në një takim në Dhomën e Situatave në Shtëpinë e Bardhë nëse do të binte dakord për një marrëveshje me Iranin që të paktën do të ndalonte konfliktin, takim i cili përfundoi pa marrë Trump një vendim përfundimtar./teve1.info/
