Inspektorati i Policisë së Kosovës ka bërë të ditur se lidhur me hetimet që janë duke zhvilluar për rastin e 18-vjeçarit nga Podujeva, ka siguruar një kopje të shkresave lidhur me rastin.
Nga IPK kanë thënë se hetimi i nisur për këtë rast përfshin përveç tjerash edhe grumbullimin e informacioneve shtesë rreth veprimeve të policisë si dhe sigurimin e të gjitha shkresave lidhur me këtë rast.
“Hetuesit e IPK-së qysh gjatë ditës së parë kanë filluar të ndërmarrin veprime hetimore dhe në kuadër të kësaj kanë siguruar një kopje të shkresave lidhur me rastin në fjalë”, thuhet nga IPK për Tëvë 1.
Rasti i 18-vjeçarit që vdiq pas plagëve të marra nga sulmi i dy të miturve, fillimisht nga policia ishte raportuar si rast i therjes me thikë.
Ndërsa, të dyshuarit për këtë rast janë në paraburgim.
