Interi ka vazhduar përgatitjet para ndeshjes me Atletico Madridin.
Trajneri Cristian Chivu në stërvitjen e së martës nuk i kishte të gjithë futbollistët në dispozicion.
“Nerazurrëve” u munguan pesë lojtarë në stërvitje: Denzel Dumfries, Henrikh Mkhitaryan, Matteo Darmian, Raffaele Di Gennaro dhe Tomas Palacios.
Të pesë futbollistët nuk priten të jetë të gatshëm për ndeshjen ndaj Atleticos.
Interi të mërkurën nga ora 21:00 luan në udhëtim tek Atletico në ndeshjen e vlefshme për xhiron e pestë të fazës së ligës në Ligën e Kampionëve.
Këta futbollistë i munguan Interit edhe të dielën në derbin ndaj Milanit.
Petar Suçiq e zëvendësoi Mkhitaryanin në derbin kundër Milanit, ndërsa Carlos Augusto u vendos në krahun e djathtë në vend të Dumfriesit.
Interi ka fituar katër ndeshjet e para të Ligës së Kampionëve këtë edicion, ndërsa Atletico ka fituar dy ndeshje dhe ka humbur dy.
