Inter fiton ndeshjen e parë gjysmëfinale të Champions League teksa mposhtën Milanin me shifrat 0-2. Zikaltërit e zgjidhën shpejt ndeshjen teksa shënuan dy herë brenda tre minutave (8 dhe 11).
I pari që hapi llogaritë e sfidën ishte Edin Dzeko që shënoi një gol të bukur pas një goditje këndi, ndërsa më pas Mkhitaryan dyfishoi pas një asisti nga Di Marco. Ofensiva e Interit vijoi të ishte e frikshme dhe Calhanoglu u ndal nga shtylla.
Më pas ishte Lautaro që fitoi një 11-metërsh, por që me ndërhyrjen e sistemit VAR, arbitri Gil Manzano e anuloi. Në vijim, Milan u mundua ta balanconte sfidën, por rezultati nuk ndryshoi.
Në fraksionin e dytë, kuqezinjtë ishin më të prirur për të sulmuar dhe rastin e parë e pati Messihas. Por, goditja e anësorit ishte i pasaktë edhe pse pati kohën e duhur për të vendosur në vështirësi Onanën. Rasti i artë mbërriti për Tonalin, por që mesfushori nuk pati fatin me vete dhe goditja e tij u stampua në shtyllë.
Nga ana tjetër, Inter shfrytëzoi hapësirat në prapavijë dhe Dzeko i vetëm përballë Maignan gaboi në mënyrë të pafalshme, ashtu siç bëri edhe Gagliardini që u vonua dhe humbi një shans të shkëlqyer. Jë fund, 0-2 dhe Inter niset tejet i avantazhuar për ndeshjen e kthimit në rrugën për të siguruar një biletë për finalen e Stambollit.
21:54 Pjesa e parë: Dzeko-Mkhitaryan, Interi po trondit Milanin
Interi është në epërsi prej dy golave ndaj Milanit në stadiumin “San Siro”, në ndeshjen e parë gjysmëfinale të Ligës së Kampionëve.
Këtë epërsi, Interi e krijoi brenda 10-të minutave e 16-të sekondave. Edin Deko në minutën e tetë ka shënuar gol për Interin që po udhëheqë ndaj Milanit në ndeshjen e parë gjysmëfinale. Dzeko shënoi gol të bukur pas harkimit të Hakan Calhanoglus, pasi e fitoi duelin me mbrojtësin Davide Calabria.
Derisa, Henrikh Mkhitaryan ka shënuar golin e dytë për Interin në gjysmëfinalen e parë të Ligës së Kampionëve ndaj Milanit. Mkhitaryan shënoi në minutën e 11-të, pasi përfitoi nga mbrojtja jo mirë e vendosur e Milanit.