Skuadra e Interit ka fituar derbin ndaj Lazios për t’u ngjitur në krye të tabelës në Serie A, me pikë të njëjta me Romën.
Të dielën, në ndeshjen e fundit të xhiros së 11-t të kampionatit Italian, Interi në shtëpi triumfoi ndaj Lazios me rezultatin 2:0.
Një gol në pjesën e parë dhe një tjetër në të dytën, i dhanë fund dilemës së fituesit në këtë ndeshje derbi.
Lautaro Martinez zhbllokoi rezultatin në minutën e 9-të, përpara se Ange Bonny të realizoj në minutën e 62-të për rezultatin përfundimtar të takimit.
Interi realizoi edhe golin e tretë në minutën e 66-të, me anë të Piotr Zielinskit por që VAR-i e anuloi.
Me këtë fitore, Interi zë vendin e parë në Serie A me 24 pikë, sa i ka edhe Roma në pozitën e dytë kurse Lazio mbetet në kuotën e 15 pikëve dhe renditet i nënti.
Tek Lazio nuk u aktivizua fare mbrojtësi i krahut, Elseid Hysaj, i cili qëndroi në bankën e rezervistëve.
