Është evident ndërvite, mirëpo edhe më shumë u përhap gjatë këtij viti.
Infeksioni i ashtuquajtur meningjit i cili shihet të përhapet nëpërmjet kontaktit masiv tek personat që frekuentojnë pishinat apo përmes ujit të pijes ka bërë që të ketë rritje të rasteve ndjeshëm e që pacientët të marrin trajtim në kliniken Infektive në QKUK.
Sipas drejtorit të kësaj klinike, Arben Vishajt nga fillimi i vitit aktual deri në qershor janë gjithsej 38 raste, derisa aktualisht janë 8 raste të tilla.
Mirëpo siq thotë ai, gjatë muajit Korrik pati rritje të rasteve gjë që numri arriti deri në 45.
Tutje, Vishaj thotë se kryesisht moshat e reja janë më të prekur nga ky lloj i infeksionit.
Ndërkohë, gjithë këtë serioze po e cilëson kryeshefi i departamentit të mjekësisë familjare në Qendrën e Mjekësisë Kryesore Familjarë në kryeqytet, Valdet Hashani.
Mirëpo teksa tregon disa nga simptomat e kësaj sëmundjeje thotë se është e trajtueshme dhe se spitalet janë të pajisura me materialet dhe barna të mjaftueshme për këtë.
Ndërkohë edhe IKShPK kërkoi nga institucionet shëndetësore të gjitha niveleve raportimin e menjëhershëm të rasteve të dyshuara në infeksione, si Sindroma meningjeale apo të tjera, teksa shprehën se kanë shtuar gatishmërinë në parandalimin e shfaqjes së sëmundjeve të ndryshme ngjitëse.
