Një skandal i ri ka shpërthyer rreth FIFA-s dhe presidenti Gianni Infantino sërish është i përfshirë në të.
FIFA ka tentuar që ta shesë Kupën e Botës U15 për “Disney” dhe “ESPN”, por ky projekt është penguar dhe është ndalur.
Kështu ka raportuar “The Athletic” të premten.
Ideja e Infantinos ka qenë të krijonte një festival futbolli për të rinjtë, i inspiruar nga “Little League World Series”, që është turne tradicional bejsbolli për të rinjtë në SHBA dhe ka audiencë të madhe televizive.
Natyrisht, edhe të ardhurat financiare janë të jashtëzakonshme.
Mediumi amerikan ka njoftuar se FIFA kishte nisur bisedimet për këtë ngjarje vitin e kaluar, ndërsa do të ishin pjesëmarrëse 211 anëtaret e saj.
Edhe kjo Kupë e Botës është parashikuar të mbahej në SHBA.
