Sipas Imerit, Serbia përmes strukturave serbe në Kosovë po mundohet të ndërtojë një situatë të pasigurt e cila sipas tij, pastaj përcakton edhe zhvillimet e mëtejme politike mes Kosovës dhe Serbise.
“Serbia është e interesuar që përmes serbëve të ndërtojë një situatë të pasigurt sidomos për veriun e Kosovës për të përcaktuar pastaj edhe për zhvillimet e mëtejme politike fillimisht në procesin negociues e edhe ndoshta për mënyrën e përgjithshme të marrëveshjes Kosovë-Serbi”, tha ai në emisionin special në Tëvë1.
Teksa theksoi se veprimet e sotme të përfaqësuesve serb për largimin nga institucionet e Kosovës janë të qëllimshme që sipas tij, fillimisht të destabilizohet vendi e pastaj të alarmohet edhe Bashkësia Ndërkombëtare.
“Prandaj këto veprime janë në këtë linjë, të destabilizohet Kosova fillimisht të alarmohet Bashkësia Ndërkombëtare të shtyhet çdo implementim i marrëveshjeve paraprake të kërkohet nga Kosova, themelimi i Asociacionit dhe në këtë mënyre pastaj ta zbeh qëndrueshmërinë politike të Kosovës në raport me negociatat por edhe me marrëveshjen finale përgjithësisht”, tha ai./teve1.info./
