Kryetari i Komunës së Zveçanit, Ilir Peci, e ka shkarkuar nënkryetaren e Komunës, Sladjana Pantovic, raporton teve1.info
Lajmin e ka publikuar vet Peci përmes një njoftimi në Facebook, ku ka thënë se një vendim të tillë e ka marrë për shkak të mospërmbushjes së detyrave nga ana e nënkryetares dhe tejkalimit të kompetencave.
“Të nderuar qytetarë të Komunës së Zveçanit,
Sot kam vendosur që ta shkarkoj nga detyra nënkryetaren e komunës, zonjën Sladjana Pantovic. Ky vendim vjen si pasojë e mospërmbushjes së detyrave nga ana e saj, tejkalimit të kompetencave, si dhe mos punës në shërbim të të gjithë qytetarëve të komunës.
Pavarësisht kësaj, unë do të vazhdoj të punoj dhe shërbej bazuar në obligimet, detyrat dhe kompetencat e mia si kryetar i të gjithë qytetarëve të Komunës së Zveçanit, pa dallim”, thuhet në njoftimin e Pecit.
