Sipas tij, rekomandime e komente kanë dërguar edhe organizata tjera.
“IKD ka dërguar komente si për Ligjin për Paga ashtu edhe për Ligjin për Zyrtarët Publikë. Komente, sugjerimet, rekomandimet pothuajse janë injoruar krejtësisht. Njëjtë kanë dërguar komente edhe shume OJQ tjera dhe institucione të pavarura. Janë injoruar njëjtë”, ka shkruar Miftaraj.
Miftaraj thotë se partitë opozitare, institucionet e pavarura e kanë obligim t’i dërgojnë këto dy ligje në Gjykatë Kushtetuese.
“Si përfundim, dy ligjet në pjesë të caktuara cenojnë sigurinë juridike dhe financiare të institucioneve të pavarura, dhe çka është shumë shqetësuese administratën publike e kthejnë nga një shërbim civil në shërbim politik. Partitë opozitare, institucionet e pavarura e kanë obligim t’i dërgojnë këto dy ligje në Gjykatë Kushtetuese. Politikbërja dhe vendimmarrja duhet të bazohet në standardet minimale të pjesëmarrjes së publikut në konsultime publike të qytetarëve dhe grupeve të interesit”, ka shkruar ai.
Sipas Miftarajt, pjesëmarrja nuk konsiderohet se zbatohet në praktikë vetëm përmes dërgimit të komenteve dhe injorimit të tyre nga institucionet publike, sipas tij, pa përgjigje dhe arsyetim me shkrim pse nuk janë marr për bazë ato.
