Drejtori Ekzekutiv i Asociacionit të Komunave të Kosovës, Sazan Ibrahimi tha se është i bindur se do ta fitojnë padinë ndaj Ministrisë së Arsimit dhe asaj të Shëndetësisë dhe se këto miliona euro do të kthehen komunave.
“Ne jemi të bindur që këto miliona euro të cilat padrejtësisht u janë marrë komunave për zbatimin e kontratave kolektive do t’i kthehen komunave. Unë jam i bindur që rasti do të fitohet nga komunat sepse nuk ka asnjë të drejtë që dikush të nënshkruaj kontrata kolektive në barrë financiare të dikujt tjetër dhe ky është arsyetimi kryesor”, tha ai në emisionin “Ditari” në Tëvë1.
Ndërkohë Ibrahimi bëri të ditur se të martën zyrtarët komunalë të cilët janë përgjegjës për të ngritur padi në emër të komunave, do të jenë në orën 10:30, para gjykatës Gjykatës Themelore të Prishtinës.
