Eksperti i Sigurisë, Nuredin Ibishi ka komentuar refuzimin e kërkesës së Qeverisë së Kosovës ndaj KFOR-it për dërgimin e FSK-së në veri, pas sulmit në Ibër-Lepenc.
I ftuar në emisionin “InfoNata”, Ibishi e ka quajtur refuzimin e KFOR-it ndaj Qeverisë autoritet suprem.
Ai ka thënë se është marrëveshja e 2013-ës, që KFOR-i ka letër zotimi.
Madje, ai shtoi se ka pasur tentativë ndaj Policisë së Kosovës dhe Njësisë Speciale që të mos i lejohet prezenca në veri të vendit, për shkak siç tha ai të diritantizimit të lidershipit.
“Ajo është auto suprem sa i përket mbrojtjes së Kosovës dhe është vendim i tyre dhe është marrëveshja e 2013 që KFOR-i mund të ketë letër zotimi, po ose jo. Ato do t`a vlerësojnë situatën, në mendoj që një situatë hipotetike më të rëndë ata do të lejojnë këtë. Mirëpo iu ka dhënë autoriteti i KFOR-it të lejojë apo jo në pjesën veriore prezencën e FSK-së. Ajo nuk është dashur të bëhet mirëpo si do që të jetë ka pasur tentativa akoma që edhe Policisë të mos i lejohet, Njësive Speciale atje për shkak të diritantizmit të lidershipit tonë që nuk kanë së paku këshilltar që t`i këshillojnë”, ka deklaruar Ibishi.
Ndryshe, Kosova e bëri këtë kërkesë në përputhje me marrëveshjen e vitit 2013 të nënshkruar mes institucioneve të Kosovës dhe NATO-s, sipas së cilës, kryeministri i atëhershëm i Kosovës, Hashim Thaçi, e siguroi NATO-n se FSK-ja nuk do të shkojë në veri pa pëlqimin paraprak të KFOR-it./teve1.info/
