Një person është arrestuar si i dyshuar për një rast grabitjeje të ndodhur më 29 korrik në rrugën “Selajdin Braha” në Prizren.
Sipas Policisë, i arrestuari dyshohet se ka grabitur dhe sulmuar një grua dhe fëmiun e saj 7-vjeçar.
“Më datë 29.07.2025, rreth orës 14:50, në rrugën “Selajdin Braha” në Prizren është raportuar një rast grabitjeje. Njësitet patrulluese të Policisë së Kosovës kanë reaguar menjëherë, kanë kontaktuar viktimën femër dhe sipas viktimës, dy persona të dyshuar i janë afruar derisa ajo ishte duke ecur ne këmbë bashkë me fëmijët e saj 7 vjeçar, në atë rast njëri prej tyre i ka marrë me forcë zinxhirin e arit nga qafa viktimës dhe ka goditur fëmijën e saj 7-vjeçar. Viktimës i është ofruar ndihmë fillimisht nga qytetarët e me pas nga ekipi mjekësorë i urgjencës”, thuhet në njoftim.
Tutje, bëhet e ditur se njëri nga të dyshuarit është arrestuar në vendin e ngjarjes, ndërsa i dyshuari tjetër është larguar në drejtim të panjohur dhe është në kërkim.
“Falë reagimit të menjëhershëm të qytetarëve të pranishëm, njëri nga të dyshuarit është ndaluar në vendin e ngjarjes derisa ka mbërri policia. I dyshuari që është gjet në vendngjarje është arrestuar, ndërsa i dyshuari tjetër është larguar në drejtim të panjohur dhe është në kërkim.
Policia është duke punuar ne identifikimin dhe arrestimin edhe të dyshuarit të dytë”, theksohet në njoftim.
