Armando Broja ka shuar të gjithë zërat e merkatos.
Duke folur për mediet përpara sfidës së Champions League ndaj Dinamo Zagreb, sulmuesi i kombëtares shqiptare theksoi se dëshiron të qëndrojë te “blutë” e Londrës.
“Një marrëveshje e re dhe e gjatë kontraktuale me Chelsea është një mundësi e madhe për mua dhe familjen time. Ky është klubi ku kam lindur. Unë dua të vazhdoj të përpiqem të përmirësoj veten si person dhe si lojtar. Dhe nuk ka asnjë klub tjetër më të mirë se Chelsea për të mësuar”-tha ai.
Me këto fjalë Armando Broja, i cili mes të tjerëve pëlqen edhe Milanin, u vetë largua përfundimisht nga tregu i transferimeve.
