Joelinton, një nga lojtarët më të rëndësishëm të Newcastle, u arrestua në gjendje të dehur në timon në orët e para të datës 12 janar.
Mesfushori ofensiv, i cili shënoi golin e fitores në gjysmëfinalen e parë të EFL Cup ndaj Southampton, është gjobitur me 29 mijë paund për drejtimin e mjetit në gjendje të dehur.
Jo vetëm kaq, pasi 26-vjeçarit brazilian i është hequr patenta për 12 muaj, dënim që do të reduktohet në nëntë muaj nëse përfundon një kurs rehabilitimi.
Joelinton po luan sezonin e katërt me Newcastle, klub ku u transferua nga Hoffenheim në verën e vitit 2019 për 44 milionë euro.
