I burgosuri palestinez Khader Adnan , një komandant i Xhihadit Islamik, i cili u bë simbol i rezistencës palestineze ndaj politikave izraelite të ndalimit , vdiq të martën pas 86 ditësh grevë urie.
Ai kishte qenë në grevë urie që nga arrestimi i tij më 5 shkurt, dhe ndërsa ishte në paraburgim ai refuzoi të bënte kontrolle mjekësore, tha Shërbimi i Burgjeve izraelite në një deklaratë duke njoftuar vdekjen e tij.
Ai u gjet i vdekur në qelinë e tij herët të martën pas grevës së tij gati 3-mujore të urisë, shtoi shërbimi i burgut, raporton CNN.
Ndërsa siç raporton Aljazeera, grupi i armatosur Xhihadi Islamik paralajmëroi Izraelin se do të “paguajë çmimin për këtë krim” siç e quajti babanë e nëntë fëmijëve “martir”.
Shoqata e të burgosurve palestinezë njoftoi gjithashtu vdekjen e Adnanit, duke thënë se “pushtimi izraelit vrau Sheikh Khader Adnan”.
Ai u arrestua në shkurt me dyshimin për anëtarësim në një organizatë terroriste, mbështetje për terrorizmin dhe nxitje, thanë autoritetet izraelite.
