Muhamet Hyseni është zgjedhur “Ylli i Javës” nga Federata e Futbollit e Kosovës të premten.
Llapi mposhti Malishevën me rezultatin 3:2 në udhëtim.
“Jam jashtëzakonisht i lumtur me çmimin ‘Ylli i Javës’, çmim që realisht më motivon edhe më shumë për të punuar dhe realizuar edhe gola të tjerë. Kemi nisur shumë mirë edicionin e ri dhe realisht jemi në rrugën e duhur për të arritur objektivat tona”, ka thënë ndër të tjera Hyseni për faqen zyrtare të FFK-së.
Hyseni në edicionin aktual të Superligës ka shënuar gjashtë gola.
Llapi është i pari në tabelë pas shtatë ndeshjeve të luajtura me 16 pikë.
16 pikë ka edhe Ballkani në vendin e dytë, por me një ndeshje më pak të luajtur.
