Ministria e Financave, Punës dhe Transfereve ka bërë të ditur se marrëveshja për eliminimin e tatimeve të dyfishta me Çekinë ka hyrë në fuqi.
Ministria ka njoftuar se ky hap do të ndihmojë në rritjen e aktivitetit ekonomik me Çekinë.
“Eliminimi i tatimeve të dyfishta do të ndihmojë në lehtësimin e barrës fiskale për individët dhe bizneset që operojnë në të dyja vendet. Kjo do të krijojë një mjedis më të favorshëm për investime dhe do të ndihmojë në rritjen e aktivitetit ekonomik mes Kosovës dhe Çekisë”, thuhet në komunikatë.
